Faiz Ahmad Faiz ki 29th Barsi Par
فیض احمد فیض کی انتیسویں برسی کے موقع پر افکار ممبران نے فیض
احمد فیض کو خراجِ عقیدت پیش کیا اور اُن کی نظر کچھ ممبران نے کلام بھی لکھے۔
ممبران کے کلام ، نظرِ فیض، آپ سب کے سامنے پیش ہیں، ملاحضہ فرمائیں اور اپنے
قیمتی الفاظ سے نوازیں:
طاہر زمان طاہر :
خِرد کا بوجھ جُنوں سے اُتار گزُری ہے
اگرچہ دِل پہ خرابی ہزار گزُری ہے
وہ آبرُو و وفا
تھی تِری اے ارضِ وطن
مرِے لہُو پہ جو ہو کر سوار گزُری ہے
خزاں کے پاوں گڑے ہیں یہاں تو زانوں تک
مرے دریچے سے کب کی بہار گزُری ہے
لہوُ سے بھاگے ہوئے ہیں پھر آج عارض و دِل
کہیں جِگر سے وہ چشمِ خُمار گزری ہے
گزر گئی ہے مگر پُر سشِ جنُوں کے بغیر
یہ عُمر جتنی بھی گزری، بے کار گزری ہے
ہر اِک سماعت کو زندہ ضمیر بخش گئی
جدھر جدھر سے تُمہاری پُکار گزری ہے
ترِے سُخن کی تجلی اے روشنی کے سفیر
ہمارے حرفِ سیاہ کو نکھار گزری ہے
فکر میں گرمی ءِ تفسیرِ حیات
سخن میں اندازہ ءِ سرِّ صفات
ہر نفس میں شوقِ منزل کا اثر
ہر گھڑی اِک پیکرِ نقشِ ثبات
لفظ و معانی میں ہُوئے ہیں جلوہ گر
زندگانی، عشق و مستی، کائنات
صورتِ فطرت ہُویدا تُجھ پہ ہے
آشکارہ تجھ پہ فہمِ شش جہات
تیرے لفظوں کے معانی مثلِ دن
تیرے خامہ کی سیاہی مثلِ رات
صورتِ فطرت ہُویدا تُجھ پہ ہے
آشکارہ تجھ پہ فہمِ شش جہات
اوجِ فنونِ سُخن کی تصویر فیض ہے
نقشِ وفا کی رمز ہے تنویر فیض ہے
ہر آیتِ حیات کی تفسیر فیض ہے
اظہار ِ قلب و فکر کی تقریر فیض ہے
لفظوں میں سمویا ہے دلِ مضطرب کا غم
آئینہ ءِ احساس ہے، دِلگیر فیض ہے
پڑھئے جو "نُسخہ ہائے وفا" غور سے اگر
منزل کی سمت راہ کی تدبیر فیض ہے
تولا گیا میزانِ صداقت پہ فکرِ فیض
یکسانیت کا لہجہ ءِ تاثیر فیض ہے
0 comments:
Post a Comment