Wasl ko Raat Bhar Guzara Hay ~ Afkaar Pakistan

Wasl ko Raat Bhar Guzara Hay

وصل کو رات بھر گزارا ہے

ہاں مگر خواب پر گزارا ہے

زندگی پھر کبھی گزاروں گا

یہ تو بس اِک سفر گزارا ہے

آج کل کام سے معطل ہوں

آج کل عشق پر گزارہ ہے

اور وہی کامیاب ہے جس نے

وقت کو سوچ کر گزارا ہے

زندگی اُس طرف گزرتی ہے

زندگی ،، بس اِدھر گزارا ہے

اس قدر خواب دیکھتی ہے آنکھ

اب تو بس جاگ کر گزارہ ہے

وقت تھا اس قدر کڑا شاکی

"کب گزرتا تھا، پر گزارا ہے"

شاعر: شکیل شاکی، افکار پاکستان