Sabhi Fasilon Ko Mitana Pary Ga
سبھی فاصلوں کو مِٹانا پڑے گا
زمیں آسماں کو مِلانا پڑے گا
مرے شوق کے ہیں اِرادے سفر میں
یہ زنجیرِ پا کو بتانا پڑے گا
جو کہنے کو ہونٹوں کو جنبش نہیں ہے
وہ اب خامشی کو سُنانا پڑے گا
سُنا ہے حسیں خواب مہنگے بِکیں گے
مرے خواب میں تُجھ کو آنا پڑے گا
یہی شب کے آنگن میں طے ہوگیا تھا
یہاں ایک سُورج اُگانا پڑے گا
شاعر: زعیم جعفری، چیئرمین افکار پاکستان
0 comments:
Post a Comment