Jo Pa Sken Kabhi Manzil Ko Karwa'n Meray
جو پا سکیں کبھی منزل کو کارواں میرے
نصیب ایسے بھلا زندگی کہاں میرے
وہ بن سنور کے چلا بھی گیا ہے غیر کے ساتھ
کہ جِس کے سوگ میں ہیں بال پریشاں میرے
یہ بات بات پہ سچ بولتی ہُوئی آنکھیں
زباں دراز ہیں تھوڑے سے، راز داں میرے
ہے مجھ کو حوصلہ ہر ہر قدم محبت کا
برائے نام ہے درپیش امتحاں میرے
وہ کُوچ کرتے ہوئے ایک ایک سُو ءِ عدم
میں بَین کرتا ہوا،ہائے رفتگاں میرے
زمانہ بھانپ نہ لے شاد غم میں رہنا تِرا
دلِ حزیں مرِے، اے شہرِ شادماں میرے
شاعر: شاد احمد،
افکار پاکستان
0 comments:
Post a Comment